Esta semana continuamos traballando as emocións. Como non podía ser doutro xeito, falamos do amor e de toda a xente que queremos e nos quere e despois pintamos este osiño cheo de amor e escribimos no corazón o nome dunha persoa a que queiramos.
Escoitamos e bailamos a canción de Sonoro Maxin "Querote máis"
Esta semana comezamos a traballar as emocións, para o que empregaremos como punto de partida o conto "O monstro de cores".
Déixovos un enlace para que poidades visualizar o conto e a continuación reflexionedes sobre as distintas emocións que aparecen... coñécelas? Despois pensamos e comentamos situacións que nos fagan sentir esas emocións: pensa en algo que che faga sentir tristeza/ alegría/ calma etc
Deixovos tamén un enlace a unha páxina onde podedes facer xogos relacionados cas emocións.
Espero que o desfrutedes! Vémonos pronto. Un bico
Xogos das emocións: http://www.czpsicologos.es/evenbettergames/juegos.php
